Sauvador demorave en ua vila de renòm pes sues auques. Cada dia minjave òlha o garbura e saunejave tamb era auca remplida que toti es Nadaus codinave sa mama.

Un an hec ua nheuada qu'aucic de heired totes es auques, exceptat era mès vielha e tapatjosa. Sauvador determinèc portar aguesta auca ath rei coma present. Eth rei didec a Sauvador que se li didie coma despartir era auca enter eth, era reina e es dues princesses li harie un present. Eth rei demorèc content tamb era responsa de Sauvador e lihec present de mieja dotzea d'auques.

Un noble aganit ac sabec e determinèc de portar ath rei sèt auques coma present. Eth rei li demanèc coma despartirie es auques enter eth, era reina e es dues princesses. Era sua responsa non convencec pas eth rei, que hec a vier a Sauvador. Era responsa de Sauvador òc que li agradèc, atau que determinèc hèr-li eth present de sies auques cada an.

Tamb es auques. Tamb es auques que recebie cada an deth rei, sauvador artenhec aver ua granja tamb fòrça auques, e toti lo coneishien per Sauvador Auques.