Hansel e Gretel èren dus frairs plan praubi. En casa sua passaven tanta hame que, un bèth dia, sa pair determinèc d'abandonar-les en bòsc. Es dus frairs, entà non perder-se pas, a man man que caminaven lançaven mores de pan, atau poirien tornar entà casa en tot seguir eth camin. Totun, es audèths se mingèren es mores de pan e Hansel e Gretel se horavièren en bòsc.

Trapèren ua casa fòrça estonanta, hèta de chicolate e mochets.Quan èren en camin de tatjà'i ua nhacada, apareishec ua bruisha que se les volie minjar. Coma que Hansel ère hèra prim, l'embarrèc en ua cajòla entà engraishir-lo. A Gretel, l'obliguèc a hèr es trabalhs dera casa. Un dia, quan era bruisha ja avie premanit era ola entà minjar-se a Hansel, es dus frairs escapèren dera casa. Correren fòrça e se horavièren laguens eth bòsc.

Còp sec, enteneren ua votz que les cridave. Ère era votz de sa pair, que les demanèc perdon per aver-les abandonat. Hansel e Gretel tornèren entà casa e viueren erosi amassa tamb es sòns pairs.