Inici » Ua man de condes

Educació artísticaLlengües i literaturaEth llum

Codi a embedir Copiar

Eth llum

En aguest capítol deth programa "Ua man de condes" s'explique eth conde malhorquin "Eth lum". Un artista illustre eth raconde per miei de divèrses tecniques de diboish: boligraf, gredon, pincèu ...


Biel e sa mair, era senhora Catalina, demoraven en Malhòrca, mès non avien pas casa e romaven pes pòbles dera ièrla en tot demanar aumòina. Ua vrespada, en tot caminaven tamb fòrça hame e heired, ues bromes caperèren eth cèu e comencèc a plòir. Vederen un ostau e i anèren entà virar-se deth bategat d'aigua.


En ostau non s'i vedie pas cap de lum, ne gessie hum dera humenèja e , ath delà, era pòrta ère en.honsada. Semblave ua casa abandonada. I entrèren e ena codina trapèren ua candela e l'aluguèren. Còp sec, senteren ua votz que didie: "Portatz-me un lum!".


Toti dus anèren enquiara cramba d'a on viege era votz e vederen un òme fòrça vielh seigut en un fautulh. Er òme avie un libre dubèrt e demanèc que li apressèssen eth lum. Biel atau ac hec e er òme liegec ua estona. Quan acabèc eth libre, lo barrèc e dèc es gràcies a Biel. Li condèc que hège setanta cinc ans qu'ère mòrt. Avie mòrt subitament en tot liegie eth libre, atau que non lo podec acabar. Coma que non li shautave deishar arren a mieges, non podie pas posar en patz enquia aver-lo acabat.


Coma mostra d'arregraïment, er òme ensenhèc a Biel un amagader a on i avie ua arca plia de monedes d'aur qu'èren entad eth e sa mair coma recompensa. Ara ja non aurien pas de tornar a passar hame ne a pelodir era aumòina.

  • Programa Ua man de condes
  • Idioma Occitan dera Val d'Aran
  • Producció TVC, 2002
  • Any de producció 2002
  • Durada: 9min.
  • Àmbit Llengües i literatura, Educació artística
  • Àrea CLL, Educació artística: visual i plàstica, Llengua aranesa a la Val d'Aran
  • Nivell Educació Infantil Educació Primària
  • Web Programa

Àrea professorat

Audiovisuals del programa

Audiovisuals relacionats

Programació educativa