Inici » Ua man de condes

Educació artísticaLlengües i literaturaEra hilha deth mercadèr

Codi a embedir Copiar

Era hilha deth mercadèr

Aguest capítol deth programa "Ua man de condes" raconde era istòria de "Era hilha deth mercadèr". Un artista la illustre en tot tier cartolines e papèrs de colòris.


Açò ère un viatge ua gojata qu'ère hilha d'uns mercadèrs nomades que viuien en desèrt. Ère cansada d'anar d'un costat entà un aute, atau que, un bèth dia, determinèc d'anar-se'n. Caminèc pendent quate dies e quate nets. Fin finau, eth cincau dia deishèc darrèr sòn eth desèrt e arribèc en un lòc plen de vegetacion.


Entà boca de sers entrèc laguens ua mòla entà dromir. Mès non sabie pas qu'èra mòla ère eth lòc de trapada de tres leons. Aqueth ser, es leons parlèren d'ua hònt d'aigua miraclosa. Era gojata, qu'entenec era convèrsa, a londeman trapèc era hònt e i emplic un cantre d'aigua.


En tot caminar trapèc eth palai d'un òme noble e ric qu'avie prometut de balhar era sua fortuna ad aquera persona que l'ajudèsse a tornar trapar era felicitat, donc eth sòn hilh ère fòrça malaut. Era gojada determinèc d'ajudar-lo. Dèc ath gojat un shinhau d'aigua miraclosa e eth gojat se guaric de tira.


Eth noble demanèc ara gojata ce qué volie coma estrea e era li responec que volie ua casa a on víuer entà tostemp. Atau, era gojata s'estèc a víuer en palai e eth noble la tractèc tostemp coma se siguesse era sua pròpria hilha.

  • Programa Ua man de condes
  • Idioma Occitan dera Val d'Aran
  • Producció 2001
  • Any de producció 2004
  • Durada: 8min.
  • Àmbit Llengües i literatura, Educació artística
  • Àrea CLL, Educació artística: visual i plàstica, Llengua aranesa a la Val d'Aran
  • Nivell Educació Infantil Educació Primària
  • Web Programa

Àrea professorat

Audiovisuals del programa

Audiovisuals relacionats

Programació educativa