Inici » Ua man de condes

Educació artísticaLlengües i literaturaEth soldadonh de plom

Codi a embedir Copiar

Eth soldadonh de plom

Aguest capítol "Ua man de condes" ei dedicat a "Eth soldadonh de plom". Era illustracion ei a compde d'un artista que ten pincèus, plastilina e papèr.


I avie un viatge un mainatge qu'avie fòrça joguets, mès çò que mès li shautave ère hèr batalhes tamb soldadonhs de plom. Eth non ac sabie, mès en tot dromie es joguets cuelhien vida. Un ser, un soldadonh ada qui li mancave ua cama anèc a quèir ena capsa a on i avie ua bararina. Queigueren toti dus amorosi ath prumèr còp de uelh e toti es sers les passaven en tot charrar e charrar.


Un dia, eth mainatge metec eth soldadonh de plom ena hièstra, dehòra, entà que susvelhèlhesse era casa. Venguec ua tempèsta plan hòrta e eth soldadonh queiguec sus ua bassa d'aigua deth carrèr. Uns mainatges l'arremassèren e lo calèren laguens un vaishèth de papèr. Eth batèu anèc esguitlant enquia quèir laguens un dogat (desaigüe). Dempús de córrer eth dogat, eth soldadonh e eth vaishèth arribèren ena mar. Aquiu, un peish se mingèc eth soldadonh, mès eth peish queiguec en un hilat e acabèc en mercat.


Era mair deth mainatge crompèc eth peish, e en tot lo netejave entà codinar-lo vedec que laguens i avie eth soldadonh que li mancave ua cama. Eth mainatge se metec fòrça content e lo placèc sus era humenèja, ath cant dera bararina.


Era bararina queiguec en huec peth tòrt d'ua ventada e eth soldadonh se lancèc entàs hlames entà sauvar-la. Eth huec honec eth plom des bases des figures, que demorèren junhudes en forma de còr. Es dues figures s'aurien cremat se non avesse estat peth mainatge, que correc entà trèir-les deth huec. D'alavetz enlà, era bararina e eth soldadonh tostemp son amassa sus ua basa en forma de còr.

  • Programa Ua man de condes
  • Idioma Occitan dera Val d'Aran
  • Producció TVC, 2001
  • Any de producció 2001
  • Durada: 8min.
  • Àmbit Llengües i literatura, Educació artística
  • Àrea CLL, Educació artística: visual i plàstica, Llengua aranesa a la Val d'Aran
  • Nivell Educació Infantil Educació Primària
  • Web Programa

Àrea professorat

Audiovisuals del programa

Audiovisuals relacionats

Programació educativa