Inici » Resultats de cerca » Els Pirineus des de l'aire

TutoriaCiències socialsLlengües i literaturaCiències naturalsPirenèu Orientau III: dera Pica d’Estats entar Aneto

Codi a embedir Copiar

Pirenèu Orientau III: dera Pica d’Estats entar Aneto

Eth programa "Es Pirenèus der aire estant" subervòle, en aguest capítol, eth Parc Naturau deth Naut Pirenèu, eth Parc Nacionau d'Aigüestortes e Estany de Sant Maurici, era val de Cardòs, era val d'Àneu, era val Farrera, era Val d'Aran, era val Fosca e era val de Boí.


Ena Val d'Aran e enes Pallars, es vals s'escampilhen en tot formar armoniosi circs qu'exteriorizen era sua intensa vida a trauès deth rebat des sòns lacs. Ne trapam mès de tres cents: es uns demoren espenjoladi ath cant des soms, en tot que d'auti semblen ajaçadi a tocar des verdi peisheus. Era lum des tucs embeline tot eth paisatge, qu'a ua beresa indescriptibla.


Eth recorrut aerian comence ena Seu d'Urgell, un des grani caps-lòcs des Pirenèus, junhença des arrius Segre e Valira, ja documentadi pes romans e un important centre comerciau, economic e gleisèr de dempús era edat mieja.


De tira se seguís peth pantan de Talarn, en conquèst de Tremp; era Pobla de Segur; eth carís de Collegats; Gerri de la Sal, tamb eth monastèri de Santa Maria de Gerri e es salies; Sort; Rialp; era Torreta de l'Orri, de 2.435 mètres; es pistes d'esquí de Port-Ainé; Sant Joan de l'Erm e mantues poblacions dera val Farrera.


Er an 2003 se creèc eth Parc Nacionau deth Naut Pirenèu, que, tamb setanta mil ectares, ei eth mès espandit de Catalonha. I subergés era Pica d'Estats, de 3.143 mètres. Era tradicion ditz que mossen Cinto Verdaguer siguec eth prumèr en hèr aguest tuc, er an 1883. D'auti tucs vesins son eth Monteixo, de 2.905 mètres; eth Montcalm, de 3.077, e eth tuc de Cercastan, de 2.853. Ath cant i é eth lac de Cercastan, eth mès gran des Pirenèus.


Er itinerari seguís per Tavescan, ena cabeçada dera val de Cardós; Esterri de Cardós; Tírvia; Llavorsí e era val d'Àneu, tamb parçans coma Son, a on eth romanic conviu amassa tamb eth modèrn centre d'estudi e interpretacion deth paisatge des Planes de Son; Esterri d'Àneu; eth auedau de Valéncia d'Àneu, era estenuda d'auets mès grana dera peninsula Iberica, e Alòs d'Isil.


Un viatge passada era termièra, ja laguens de territòri francés, se subervòle eth departament der Arièja, dera region administrativa Mieidia-Pirenèus, tamb soms coma eth Mont-rog, de 2.864 mètres; eth mont Valièr, de 2.838, o eth tuc de Maubèrme, de 2.880. Deth departament dera Nauta Garona cau remercar Superbanhères, ua grana estacion d'esquí tamb enguardes entath massís dera Maladeta, e Banhères de Luishon, coneishuda pes aigues termaus.


Er arrèst que seguís ei era Val d'Aran, en tot seguir eth recorrut deth Garona, que desboque en Atlantic. Er an 1948, era inauguracion deth tunèl de Vielha signifiquèc entara val un cambi radicau. Se subervòlen eth còth d'Eth Portilhon; Canejan; Les; Bossòst; Vielha; eth lac Redon; Arties; Salardú; eth Plan de Beret, a on nèishen es arrius Garona e Noguera Pallaresa; era estacion d'esquí de Vaquèira-Beret; eth santuari de Montgarri e eth pòrt dera Bonaigua.

  • Programa Els Pirineus des de l'aire
  • Idioma Català
  • Producció TVC, Aragón Televisión, Aurea Documentary
  • Any de producció 2006
  • Durada: 27min.
  • Àmbit Llengües i literatura, Tutoria, Ciències naturals, Ciències socials
  • Àrea Educació per al desenvolupament personal, Educació per la ciutadania, Tutoria, Ciències de la terra i del medi ambient, Llengua aranesa a la Val d'Aran, Geografia, Ciències socials, Coneixement del medi: social i cultural
  • Nivell Batxillerat Educació Primària Educació Secundària Obligatòria
  • Web Programa

Àrea professorat

Audiovisuals del programa

Audiovisuals relacionats

Programació educativa