Inici » Ua man de condes

Educació artísticaLlengües i literaturaEth can deth paperòt

Codi a embedir Copiar

Eth can deth paperòt

Ua man de condes" illustre tamb diboish e pintura eth conde "Eth can deth paperòt", ua istòria sus era guèrra e era patz.


Hè plan de temps, en ua pichona ièrla, era tèrra ère partejada en dus peth tòrt d'ua guèrra tant estupida e que hège tant de temps que durave qu'arrés non rebrembave pas perqué avie començat. Dilhèu tot comencèc peth tòrt d'ua pèga discussion enter vesins. Pau avie ua craba e, un bèth dia, era craba de Pau se mingèc ua carròta deth uart deth sòn vesin, Pèir. E alavetz Pèir, raujós, se chapèc era craba de Pau tamb truhes. Quan Pau ac descurbic, s'enforismèc e hiquèc eth huec ena garièra de Pèir.


Dempús era causa s'anèc endravant, pr'amor que tanben s'i calèren entermiei es suers de Pèir, e era hemna, es hilhs, es cosins e es amics. E çò de madeish passec peth cant de Pau.


En un arren, ja i avie un hormiguèr de gent que s'orrave en tot

acalhauar-se. Dempús, es pèires se virèren en flèches, es flèches en bales e es bales en missils.


Un bèth dia, er exèrcit des uns artenhec d'enronglar er exèrcit des

auti. Alavetz, er ipergenerau qu'amiave es que perdien pensèc que se non demanave renfortiments lèu perderie era guèrra.


Er ipergenerau cuelhec un can e li calèc un paperòt en cuu tamb un messatge escrit en qué demanave ajuda. Mès, en hèr eth sòn camin, era bèstia cuelhec un mau de vrente tan hòrt qu'avec d'arrestar-se entà hèr es sòns besonhs. E guardatz vosati, tanben caguèc eth paperòt enconhat.


Quan arribèc en vilatge, lo recebec un megagenerau, mès coma podetz veir, non i trapèc eth messatge. En tot açò, er ipergenerau, en veir qu'es renfortiments non arribaven pas, determinèc de lheuar un drapèu blanc e render-se.


E qu'ei atau coma s'acabèc era guèrra.

  • Programa Ua man de condes
  • Idioma Occitan dera Val d'Aran
  • Producció TVC
  • Any de producció 2007
  • Durada: 9min.
  • Àmbit Llengües i literatura, Educació artística
  • Àrea CLL, Educació artística: visual i plàstica, Llengua catalana i literatura, Llengua aranesa a la Val d'Aran
  • Nivell Educació Infantil Educació Primària
  • Web Programa

Àrea professorat

Audiovisuals del programa

Audiovisuals relacionats

Programació educativa